دخول الاعضاء

اسم المستخدم
كلمة المرور
الدخول متخفى
نسيت كلمة المرور؟
ارسال كود التفعيل
تسجيل عضوية جديدة

ازاي تعاملي حبيبك بهدوء


كتير مننا اوى مش بيعرف بتعامل مع الشخص الى  بيحبه ازاى؟ ايما بيكون ملهوف عليه ويسمع كل كلامه او...! فى ناس (بتتقل) وبتتعامل بجفاء فى التعامل والمشاعر...صح ! بس عشان تعرفى ازاى تعرفى تتعاملى مع الراجل لازم تفهمى شوية حجات عنة الاول الرجل بيحب بيثبت ذاتة باسلوب مختلف عن الطريقة اللى حبيبته بتثبت فيها نفسها بيهتم الراجل اوى بالمهارات و الانجازات و الكفاءة و الفاعلية و تحقيق النتائج. بحس اوى بنفسة و يرضى عنها لما يحقق نجاحات و نتائج. طبيعه الراجل بيهتم بالاشئياء و الالات و لا يهتم بالناس و المشاعر و العلاقات الاجتماعية والرومانسي (all the time) زي الزوجة تلاقى الراجل يروح يصتاد او يلعب كورة و كل الانشطة الخارجية كلنا بنحلم بشريك احلامك و مواصفاتة اية وطبعا اليوم الى هاتبقي لابسة فية فستان ابيض وراكبة وراه على حصان ابيض... في نفس الوقت اللى هو بيحلم فية انة يشتغل اكتر ويحقق اكبر قدر ممكن من الأنجازات وبيفكر بالكمبيوتر اللى نفسية يجيبة او بسيارة احلامة ومسكن الزوجيه الى هايعيش فية مع البنت الى هاتشاركه حياتة كلها . البنت بتحقق ذاتها بحب الناس ليها اما الراجل هو يحقق ذاتة باحترام الناس اللى بيكسبة لما يحقق نجاح في عملة عشان كدة الراجل مابيحبش الست تنصحة و لا تقولة هو المفروض يعمل اية لان دة في جرح لكرامتة لان مسئلة مقدرة الرجل على القيام بالاشياء حساسة جدا و تجرح مشاعرة و كرامتة. بس بردو الزوج بيحب دايما الست تبقي جانبة وتشجعه انة يحقق اكتر لآنه من غيرها مش هايقدر يكمل وهايحس انة الى بيعملة دا ملوش اى قيمة.... هايعمله لمين يعنى؟؟؟ يعنى انتى مثلا لو ماعرفتيش تركبي لمبة الصالة مايهمكيش ، لكن لو راجل ماعرفش بيستخف بنفسة و ممكن يفقد ثقتة في نفسة عشان كدة تلاقى الراجل مصمم و هو بيعمل حاجة معينة بيصلحها او يركبها انها ينجزها بنجاح. و الا لن يحظى على التقدير الذاتى و تقدير الاخرين لة (هو بيحس بيها كدة ) فبلاش تفترضى و انتى بتتعاملى نع راجل انة ممكن يكون مش فاهم حاجة معينة فتتبرعى بالنصيحة لمساعدتة . كدة غلط. الراجل لما يكون محتاج مساعدة مش هايطلب الا لما يكون جرب مرة و اتنين وتلاتة و خلاص اعترف امام نفسة من كثرة المحاولات انة فهعلا محتاج مساعدة فيبدا يطلبها. ساعتها لو طلبها فعلا بيكون محتاجها. لكن انتى كواحدة ست ممكن تطلبى المساعدة من واحدة عشان حابة المشاركة و اللمة و العمل الجماعى. تحبي تحسي ان في حد متعاطف معاكى و حابب يساعدك. يعنى مثلا ممكن تكونى من اللى بيعملوا شغل البيت بامتياز و مش محتاجة حد يساعدك فعلا . يعنى انتى مش محتاجة مساعدة، بس تفرق معاكي جدا لو زوجك عرض عليكي المساعدة ، ساعتها بتحسي بتعاطفة معاكى و تحبي الاحساس دة جدا. و ممكن تسمحيلة يساعدك في شغل البيتعلى سبيل حبك للاحساس بالمشاركة. لكن نفس عرض المساعدة لو اتعرض على رجل منغير مايطلب ، يرفضة بلا تردد لانة قبولة للمساعدة معناة عجزة عن اتمام المهمة بسبب قلة مهارتة و دة شئ يقلل من شان الرجل امام نسة و يجرحة. لما الراجل بيكون عندة مشكلة مايتكلمش فيها مع حد لانة لازم يحلها لنفسة بنفسة و قدرتة على حل مشاكلة بنفسة دة معناة انة مميز بقدرات معينة ترفع من شئنة امام نفسة. غير الست. قدرة الرجل على حل المشاكل دي بالنسبالة شئ عظيم و لة تقديرة امام ذاتة, يغض النظر عن نوع المشكلة. عشان كدة تلاقى الراجل متبرمج اتوتوماتك على انة اول مايسمع ست بتحكي لة عن مشكلتها يروح بسرعة يقولها على الحل. انتى كست حتى لو عارفة حل لمشكلتك و عارفة انتى المفروض تعملى اية كويس تجبى تحكى عن مشكلتك عشان تحسي بتعاطف الناس معاكي و حبهم ليكي و حبك ليهم. بتبقى محتاجة حد يسمعك و يحس بيكي . لكن الرجل لما يتكلم في مشكلة بيكون فعلا غلب امرة و مش لاقى لمشكلتة حل و عاوز حل عشان كدة بدا يتكلم عن مشكلتة . فبدا يحكيلك عنها عشان محتاج منك حل فعلا مش محتاج تعاطفك معاة ولا احساسك بة. عشتن كدة لما تحكى لراجل عن مشكتك فيفتكر زية انك محتاجة حل في حين انك محتاجة حد يسمعك مش اكتر. " عشان كدة لو قالك الراجل على الحل و فضلتى لسة زعلانة من مشكلتك بيفتكر ان حلة مش نافع معاكي و بيتضايق لانك من المفتر انك اول ماتعرفى الحل تستريحي و تهدى و تتبسطى. دة طبعا لو كنتى بتدورى على حل مش على حد يسمعك. لكن انتى كنتى محتاجة حد يسمعك عشان كدة رغم انة قالك الحل استمريتي انى في الكلام عن المشكلة بنفس الصورة اكنة ماقلش حاجة. دة لانك محتاجة يسمعك مش ينصحك. بس هو مش فاهم كدة . ازاي اتعامل مع الراجل: بطلى تنصحية اصلا الا لو طلب منك النصيحة. هو لو طلبها بيكون محتاجة فعلا. و الا لو نصحتية منغير ما يطلب هايعتبر نصيحتك لة نقد. ماتحاوليش تغيري الحجات اللى عرفتيها عن صفات الرجل لما قراتى اللى فوق لانها خلقة ربنا . اتعاملى معاها باسلوب صحيح فقط. مافيش صح و غلط . في ربنا خلقك كدة و خلقة كدة و كل واحد لما يفهم الفرق يعرف الطريقة الصحيحة للتعامل مع الطرف الاخر. الرجل بطبيعتة بيمل كل فترة من خلال الاسبوع الى الاختلاء بنفسة. الرجل بطبيعتة بيحب الانفراد بنفسة. ماتخديس دى على انة بيبعد عنك و مابيحبش يقضى وقت معاكي. لا مش كدة. الرجل طبيعتة مش اجتماعى و عاطفى و يحب يحاط بالناس و الحب زى الستات. لا الراجل يحب يختلى بسيارة يجربها، كمبيوتر يصلة ، كتاب يقراة، راديو يظبط قنواتة. عادي. سيبية لة فرصة يختلى بنفسة و يرجعلك. لا تنقدية اما احد و لا تقللى من اعترافك بقدراتة امام الناس لانة يسبب جرح كبير جدا لة. ححسية انك محتاجاة الرجل بطبيعتة لا يبيح عن مشاعرة و احاسيسة بسهولة. لكن بمرور الوقت تقدري تعودى واحدة واحدة على انة بفتح لك قلبة و مشاعرة بس خطوة خطوة و البطئ في تطور الموضوع دة لا تاخذية على انة مابيحبك او شئ كهذا. الرجل بيعتبر حديثة عن مشاعرة و احاسيسة ضعف منة.

اقرأ ايضا

اكتشف اكثر 3 اسئلة ترد بذهن المقبلين على الزواج
لغة الحوار التى يجب ان يستعملها الخطيبان : فى البداية لابد ان نؤمن بالدور الحيوى لفترة الخطوبة وانها مرحلة...المزيد
تغير طبع زوجك على زوقك
تغيير طبع الرجل فن لايقدر عليه الا المرأة . لا يمكن تغيير طبع الرجل بين ليلة وضحاها واذا فكرتى غير كده...المزيد
حصاد تجربة زوج ..لكل المقبلين على الزواج
المسألة بكل بساطة أن نفسية الرجل يفهمها الرجل كما تفهم النساء نفسية بعض، والموضوع هو حصاد تجربة رجل كان...المزيد
قصص زوجات
كان ياما كان   قالت الزوجة المريضة لزوجها: إذا أنا مت فأكتب على قبري هذه الجملة: ( في السماء راحة...المزيد
الزواج في مصر
عادات زواج مصر القديمة أي مصر الفرعونية أو القبطية كانت تؤخذ العروس لبيت زوجها محمولة على ناقة, وتكون بداخل...المزيد
الكفائه بين الازواج
تؤكد خبيرة العلاقات الإنسانية، شيماء فؤاد، على ضرورة وجود حالة من التوافق الفكرى بين الزوجين وإن كانت...المزيد
اكتشف واقع علاقات التعارف عبر الأنترنت
من المعروف ان  مواقع الشبكات الأجتماعية الموجودة على الأنترنت وغرف الدردشة  احد الوسائل التي تيسر...المزيد
ايهما افضل الزواج المبكر ام الزواج المتاخر
ان اغلب المجتمعات العربية ينتشر فيها الزواج المبكر وخاصة في المناطق الريفية وتحظي الفتاة بنسبة اكبر من...المزيد
اكتشف اكثر 5 نعم يتيحها لنا الزواج
1- الشعور بالأمن والأستقرار : يتيح الزواج الشعور بالأمن والأستقرار وانك لست وحدك بهذه الحياة فلديك شريك...المزيد
صفات يجب توافرها فى الشريك المناسب للزواج
الصفات الواجب توافرها فى الشريك المناسب للزواج : فى السطور الأتية نحاول جاهدين ان نضع بعض الملامح...المزيد